Постојано се чувствувате уморно? Докажано е дека овие намирници ја креваат енергијата
Без разлика на количината на сон, понекогаш едноставно не е лесно да се ослободите од заморот. Покрај кафето и енергетските пијалоци, постојат голем број на здрави намирници кои го подигнуваат нивото на енергија и треба да бидат вклучени во секојдневната исхрана.
Постојат голем број фактори кои, покрај квалитетот на спиењето, зачестеноста на вежбањето и нивото на стрес, можат да влијаат на нашите нивоа на енергија, а ние често ја потценуваме улогата што може да ја игра диетата, вели авторот на „Eat for Energy“, Ари Витен.
А доколку барате храна која ќе влијае на вашата виталност, енергија и расположение, еве неколку совети:
- Спирулина
„Спирулината е број 1 на таа листа“, вели Витен. „Ова моќно растение може да се пофали со високо ниво на хранливи материи како што се протеини, витамини и железо, а истражувањата покажуваат дека значително ги подобрува нашите физички перформанси и го подига нивото на енергија во телото.
- Џигер
Тоа е како природен мултивитамин, вели Витен, „полн е со витамини и важни минерали кои му се потребни на телото“.
Додава дека црниот дроб е важен извор на витамините Б, А, Д, Е и К, железо, цинк, холин, магнезиум и селен, а нивниот дополнителен бонус е тоа што се богати со протеини кои обезбедуваат градежни блокови за пептидните невротрансмитери како серотонинот (познат е како еден од хормоните на среќата).
- Остриги
Остригите го снабдуваат телото со DHA и EPA омега-3 масни киселини, витамин Б12, селен и железо, а исто така се еден од најголемите извори на цинк, вели Витен, додавајќи дека ги смета за корисен додаток за оние кои јадат исклучиво растителна храна.
„И бидејќи немаат нервен систем и не реагираат на каква било болка, многу вегани ги јадат“, рече тој.
- Цвекло
Овој популарен зеленчук содржи антиинфламаторни својства и органски нитрати, а студиите покажаа дека ја зголемува издржливоста, го зголемува нивото на енергија и му помага на циркулаторниот систем, протокот на крв и испораката на кислород до ткивата, забележува Витен.
- Калинка
Има некои од придобивките што ги има цвеклото, а исто така е богата со елагична киселина, која се претвора во уролитин А од цревниот микробиом, што е поврзано со подобрена митохондријална функција, објасни тој.
Доколку сакате да ги искористите сите благодети на калинката, најдобро е, вели Витен, да ја јадете свежа, а кога не е сезона, советува додатоци во исхраната со додаток на калинка, пренесува „Mind Body Green“.