Го поправи нејзиното име на тетоважата, но сега повторно би можеле да бидат заедно пред камерите
Продолжението на познатиот „Beetlejuice“ би требало да се појави во кината во 2025 година, а она што привлекува посебно внимание е тоа што римејкот би можел да биде првиот голем проект за Џони Деп, кој ќе го врати „откажаниот“ актер во „прегратките“ на Холивуд.
Ако тоа се случи, Деп ќе глуми со ѕвезди како Мајкл Китон и Винона Рајдер (поранешната девојка на Џони), кои ќе ги задржат улогите од оригиналниот филм на Тим Бартон од 1988 година, во кој го оживејаа духот на Битџус и интровертната Лидија Дик.
Сепак, евентуалното учество на Деп најмногу ја заинтригира публиката.
Во последните неколку часа гласините за можното учество на Деп во филмот „Beetlejuice 2“ беа толку гласни што веста веднаш со молскавична брзина го обиколи светот.
Претходно оваа година, Винона Рајдер (сега ѕвезда на „Stranger Things“) изрази возбуда поради најавеното продолжение, објаснувајќи дека единствениот начин да се оправда оригиналниот филм е лудо сценарио и присуство на истите актери во кои се заљубивме во првиот филм.
Заплетот на филмот „Beetlejuice 2“ треба да се занимава со починатата двојка која „воскресна“ и очајно сака да го избрка семејството кое се вселило во нивниот сакан дом.
Дали ќе го гледаме Деп во продолжението, останува да видиме…