Луѓето отсекогаш сакале да имаат удобен и пријатен дом, а истото важи и денес.
Факт е дека не секој може да си дозволи луксузен стан или куќа, но понекогаш, дури и да го имате најскапиот мебел, некои ситници прават вашиот дом да изгледа „евтино“ или кич.
Истовремено, нема потреба да го реновирате домот за да го освежите неговиот изглед. Сè што треба да направите е да се ослободите од некои работи, кои сигурно не ви се потребни, и само го нарушуваат изгледот на домашниот простор.
Погледнете за кои станува збор:
Постелнина од различни комплети
Кога ќе постелите чаршаф со еден дезен, а ќе ставите навлаки од сосем друг комплет, спалната соба сигурно нема да изгледа добро.
Подобро имајте само два комплета со чаршаф, навлаки и прекривка, отколку еден куп што не одговараат едни со други.
Магнети на фрижидерот
Магнетите се одличен начин да се потсетите на патувањата, но подобро чувајте ги на друго место. Или, ако сепак сакате да ви стојат на фрижидерот, барем организирајте ги и направете некаков ред.
Сатенски прекривки
Овие прекривки не се квалитетни и нивните дезени се многу застарени. Истовремено, речиси невозможно е да ги испеглате.
Различни капаци за тенџериња и тави
Ослободете се од капаците кои не одговараат на тенџерињата и тавите во вашата кујна. Секое тенџере се продава со капак, па користете го тој.
Стари теписи и ќебиња како прекривки
Ако користите стари ќебиња како прекривки или стари теписи, ќе ја уништите и најмодерната дневна соба.
Черга пред вратата
Наместо обична стара дипла што секогаш ќе изгледа валкано, пред вратата ставете модерна, украсна подлога.
Скршени чинии и шолји
Сигурно имате барем една чинија со пукнатини што не ја фрлате бидејќи не е сосем скршена. Но, оштетените садови не само што ја грдат кујната, туку можат да ви се скршат дури ги користите
Ѕидови украсени со декоративни камења
Овие украси можеби ќе изгледаат добро во голема куќа, но ако живеете во мал стан, ќе изгледаат застарено и невкусно.
Кадифени играчки наредени на креветите и полиците
Вашиот дом не е детска соба, па плишаните играчки само го уништуваат неговиот изглед. Ако сакате да ги чувате играчките од детството, најдете им друго место.
Загорени тави и тенџериња
Обидете се да ги исчистите загорените тенџериња и тави. Ако воопшто не се чистат, можеби треба да ги замените со нови.
Сушење облека среде соба
Сушењето облека може да биде проблем ако живеете во мал простор, но обидете се да не ја закачувате облеката среде соба. Или ставете ја на тераса, или во некој агол од собата.
Саксии во сите форми и бои
Ако имате растенија, погрижете се и за изгледот на саксиите. Ова може да направи огромна разлика.
Стари кујнски крпи
Ако со години користите исти крпи и на нив веќе има дамки кои не се отстрануваат, најдобро заменете ги со нови.
Чување предмети на прозорците
Не треба да ги користите прозорците како полици. На овој начин, вашиот дом секогаш ќе изгледа неуредно.
Ѕидни календари
Календарите се практични, но факт е дека изгледаат навистина лошо. Уште полошо ако на ѕидот ви стои календарот од минатата година.
Стара сушара за садови
Денес можете да најдете сушари за садови по навистина прифатлива цена, а промената на овој детаљ ќе направи голема разлика во кујната.
Масовно произведени украси
Ако сакате вашиот дом да изгледа уникатно, воздржете се од купување масовно произведени украси. Овие украси можете да ги најдете во речиси секој дом, па нема да изгледаат интересно.
Подобро украсете го домот со предмети што ви значат нешто, отколку непотребни украси.