Режисерите на серијата “Dark” снимија нова мрачна мистерија, а еве го и првиот трејлер

Брачната двојка Јантје Фризе и Баран бо Одар подготвија нова загатка за верните фанови на мастер серијалот Dark – 1899, мрачна драма која се одвива на брод.

Серијата обединува некои од познатите европски актери, како што се англиската актерка Емили Бичам (Outside the Wire), Велшанецот Ајнер Барнард (Тhe White Queen), Германецот Андреас Пичман (Dark, како Јонас во средни години) или Шпанецот Мигел Бернардо (Elite).

Приказната ги следи патниците на огромен параброд, кои доаѓаат од различни култури и земји, но се обединети во потрагата по подобар живот во САД. Во еден момент, тие наидуваат на чамец со мигранти, Прометеј, кој плови на отворено море, што го претвора нивното патување во застрашувачки кошмар.

Трејлерот покажува дека и овде ќе се појават некои карактеристики од хитот Dark, а има навестувања за заплет во кој се игра со перцепцијата на реалноста. Чудни појави, мистериозни ликови и заедничко „бегство од нешто“, ги собира овие потполни странци.

Продукцијата од 1899 година беше направена во новоизградена, најсовремена виртуелна продукциска куќа, сместена во студиото Бабелсберг во Германија.

Нетфликс сè уште не го објави точниот датум кога оваа серија ќе може да се емитува на нивната платформа.

Погледнете го трејлерот: