Седум навики на парови со одличен сексуален живот

Како можете да ја разгорите страста во долготрајните врски и да го подобрите вашиот сексуален живот? Џон Готман добро го знае одговорот на ова. Познатиот американски психолог, терапевт и истражувач целата своја кариера ја посвети на анализа на љубовните врски, со акцент на бракот и разводот.

Готман се разведуваше двапати, а сега е во брак повеќе од 30 години со својата трета сопруга, психологот и колешка Џули Готман. Во интервју за „Psychology Today“, парот откри што всушност е потребно за долгорочен добар сексуален живот.

„Што ќе ги одржи живи романтиката и страста? Врз основа на резултатите од истражувањето спроведено на 70.000 парови во 24 земји, дознав какви секојдневни навики имаат луѓето со одличен сексуален живот и тоа се навистина едноставни работи“, изјави Готман.Се

1. Секој ден си кажуваат дека се сакаат и навистина така мислат.

2. Страсно се бакнуваат без причина.

3. Си даваат комплименти.

4. Излегуваат на состаноци.

5. Се гушкаат.

6. Покажуваат нежност во јавност.

7. Отворено зборуваат за својот сексуален живот.

Џули Готман забележува дека треба да игнорираме еден од најголемите митови за сексот. Луѓето мислат дека сексот мора да изгледа совршено. Холивудски. Огномет мора да лета околу вас додека ѕвездите сјаат на небото. Тоа не е реално. Сексот само треба да биде онаков каков што сакате, заклучува психологот.