Сите сакаме да го одржиме младешкиот изглед: Откријте како да спречите создавање на различни типови на брчки

Има пет категории

 

Многу се зборуваше за тоа како да се бориме против брчките на лицето, но и за тоа што можеме да направиме за да ја одржиме кожата свежа и млада што подолго.

 

 

 

Но, дали знаевте дека постојат 5 типа на брчки и фактот дека секој тип сака различна нега, токму поради различните причини кои го предизвикуваат нивното појавување?

 

Експресивни брчки

 

Како што споменавме, повторливите движења на лицето предизвикуваат брчки поради мускулните контракции кои постојат под кожата на лицето. Овие брчки се појавуваат веќе на 20-годишна возраст, а стануваат статични кога вашата кожа почнува да ја губи еластичноста или со други зборови, кога нивото на колаген се намалува.

 

Еластин брчки

 

Станува збор за вид на брчки кои се јавуваат поради губење на еластичната структура на кожата, поради прекумерно изложување на сонце. Овие брчки се појавуваат главно на образите, горната усна и вратот и постепено стануваат постојани и подлабоки. Користењето креми за сончање и избегнувањето на изложување на сонце е најдоброто нешто што можете да го направите за да спречите нивно појавување.

 

Гравитациони брчки

 

Тие се резултат на директното дејство на гравитацијата предизвикано од нормалното губење на колаген и еластин со текот на годините, во комбинација со недостаток на хидратација на одредени делови од лицето – линии на насмевка, назофарингеални набори, брадата и вратот.

 

Брчки за компресија

 

Компресивните брчки се линии кои настануваат после спиење поради подолг контакт, притисок и триење на кожата на тврди ткаенини – перници и постелнина. Тие обично исчезнуваат набрзо откако ќе станете од креветот, но кај жените со веќе „оштетена“ кожа поради недостаток на хидратација, тие можат да останат трајно засечени на лицето. Користете сатенски или свилени перници кои го намалуваат триењето на кожата.

 

Атрофични брчки

 

Тоа се брчки кои се појавуваат, на пример, на челото кога ќе ја повлечете веѓата нагоре и кожата полека се враќа во својата нормална положба. Тие најчесто се предизвикани од биолошко стареење, но има и случаи на атрофични брчки на многу сува кожа, каде причините се брзо губење на колагенот и силно губење на густината на кожата.