Старо верување: ОРХИДЕИТЕ носат љубов и среќа, но само доколку се чуваат на овие две места во домот

Орхидејата со векови е симбол на убавина и грациозност

Според фенг шуи, старо кинеско верување, потребно е предметите во куќата да бидат поставени на одреден начин, за позитивна енергија да тече низ просторот непречено и да донесе добри работи во домаќинството.

Еден од најефикасните начини за освежување на енергијата, според ова верување, е воведувањето свежи билки.

Орхидејата, омилениот цвет на многумина, исто така зазема свое место во ова верување и има силна симболика.

Орхидејата со векови е симбол на убавина и грациозност, а доволно е само да погледнете која било сорта на ова растение за да разберете зошто. Елегантно е и доаѓа во различни бои и големини, а поради неговиот специфичен цвет, а во некои случаи и уникатни шари, го има својот статус на едно од омилените растенија денес.

За да може орхидејата да цвета непречено, потребен е поголем труд, бидејќи навистина бара посебна грижа.

Според фенг шуи, орхидејата треба да ја чувате или покрај влезната врата или во спалната соба, во зависност од тоа која енергија сакате да ја стимулирате.

Крајниот лев агол од собата, гледан од влезната врата, го претставува аголот на љубовта, а доколку сакате да привлечете убав и фин партнер, орхидејата треба да ја чувате токму на тоа место.

За да привлечете среќа, можете да изберете орхидеја од која било боја. Важно е само да ви се допаѓа. Покрај тоа, треба да ја чувате во близина на влезната врата, за да биде првото нешто што ќе го видите кога ќе влезете во куќата.