ТАЈНИТЕ ЗА УБАВИНА НА АЊА ТЕЈЛОР-ЏОЈ: Како го одржува порцеланскиот тен и што прави кога бланширањето ќе предизвика случаен „undercut“

Актерката која го освои светот со улогите во адаптацијата на „Ема“ и „Дамски гамбит“, Ања Тејлор-Џој, е позната и по своите необични крупни очи и платинесто руса коса.

Благодарение на својот талент пред камерата, но и на својот беспрекорен стил, таа стана амбасадорка на Диор и новото лице на нивната роза Dior Addict, а за британскиот Вог откри некои од нејзините тајни и практики за убавина и она што го смета за најважно како чекор на грижа за себе.

Лекција за нега на кожа број 1

„Носете заштитен фактор. Почнав да го практикувам ова доцна. И никогаш не ги допирајте веѓите.“

Нега на кожа

„Сакам да создавам ритуали, тоа е прекрасен начин да одвоите време за себе и да се ставите себеси на прво место. Кога бев помлада, повремено се миев, но сега тоа е нешто што со нетрпение го очекувам наутро и навечер. Го чистам лицето и користам тонер, а за хидратација го користам новиот Dior Prestige La Crème Texture Essentielle, па почнав да користам крем за очи.

Поради работата, се будам околу 4 часот наутро, па кремите за очи и гаџетите се одличен начин да изгледам будно.“

Моќта на шминката

„Шминката може да направи некои чувства опипливи. Ако сакате да се чувствувате моќно, шминката може да влијае на тоа како се чувствувате и како комуницирате со светот.

Црвениот кармин е најлесниот начин секогаш да изгледате негувано, како да вложувате труд и ви помага да се чувствувате самоуверено. Од новите кармини на Диор, мојата омилена нијанса е 08, но експериментирам и со nude нијанси.’

Коса

„Отсекогаш сум имала светло руса коса, но за една работа секоја недела ја избелуваа до сребрена боја. Бидејќи никогаш претходно не ја фарбав, не знаев каква штета направи на мојата коса. И кога дојдов на следното работно место, некој ми даде комплимент за мојот undercut – многу од косата ми беше изгорена и немав поим. Оттогаш интензивно се грижам за неа – користам регенератор од корен до врв секогаш кога ја мијам косата затоа што не сакам повторно да бидам во ситуација да имам случаен undercut.“

Само-грижа

„Сакам да читам. Мислам дека е исклучително важно да поминувате време со себе. Понекогаш ми е тешко да медитирам. Ние си ставаме голем притисок да бидеме смирени, но мислам дека треба да се прифатиме себеси во кој момент и да е.

Исто така, треба да му оддадеме почит на телото и да бидеме благодарни за сè што ни дава: благодарна сум на моите нозе затоа што ми дозволуваат да одам, на моите очи затоа што ми дозволуваат да гледам. Наместо да се фокусираме на некои недостатоци на телото, треба да бидеме благодарни за она што ни го дава“.