ТОРТА СО БИСКВИТИ И КОКОС! Задоволство кое на секој ќе му се допадне!

Совршен спој на вкусови кој се топи во уста

Предноста на оваа торта е што не се пече, а нејзиниот фил е толку кремаст што секогаш ќе сакате повеќе.

Состојки:

64 парчиња (600 гр.) обични бисквити

2 пакувања смеса за инстант пудинг од ванила

800 мл млеко

400 гр засладено кондензирано млеко

250 гр маскарпоне

200 гр крем сирење

100гр кокосови снегулки

За декорација:

30 гр листови од бадем

2 лажици кокосови снегулки

12 парчиња Рафаело топчиња

Подготовка:

Сварете го пудингот и почекајте да се излади. Во еден сад измешајте ги крем сирењето, маскарпонето и кондензираното млеко. Изматете со миксер, па додајте го претходно направениот пудинг и добро изматете да се соедини се. Додадете ги кокосовите снегулки.

На тава, на која сте ја ставиле прилагодливата рамка за торта со димензии 22х28 см, наредете бисквити па одозгора фил. Ќе добиете 4 реда бисквити и 4 реда фил. Одозгора посипете со снегулки од кокос и бадем, па наредете ги парчињата Рафаело топчиња.

Оставете во фрижидер да се излади пред послужување.