Маж почина откако падна од ескалатор за време на концертот на The Weeknd во Филаделфија.
Еден од учесниците на концертот, кој сè уште не е идентификуван, се здобил со повреда на главата откако паднал од голема височина во Линколн Фајненшл Филд на 14 јули, потврди за “The Post” полицискиот оддел во Филаделфија.
Официјални лица велат дека 32-годишниот маж бил пренесен во Универзитетската болница Томас Џеферсон нешто по 23 часот и бил прогласен за мртов неколку минути по полноќ.
По истрагата, полицијата соопшти дека се чини дека мажот паднал случајно.
Боб Ланге, потпретседател за комуникации на фудбалскиот тим Филаделфија Иглс, кој управува со Линколн, рече дека инцидентот најверојатно се случил по завршувањето на концертот додека луѓето ја напуштале зградата.
Да потсетиме дека организаторот на концертот Live Nation беше задолжен и за концертот на Тревис Скот на фестивалот „Astroworld“ во Хјустон кога загинаа десет лица, а неколку стотици беа повредени.
Philadelphia … we finally did it. thank you for helping me ring in the tour. last night was emotional for all of us. i could feel every single one of you. next stop NEW YORK ! pic.twitter.com/GTopHPk5Mo
— The Weeknd (@theweeknd) July 15, 2022
Турнејата на The Weeknd „After Hours til Dawn“ ги прикажува најдобрите песни на пејачот од четвртиот и петтиот студиски албум, „After Hours“ од 2020 година и „Dawn FM“, кој бееше објавен претходно оваа година.
Турнејата првично требаше да започне во Роџерс центарот во Торонто, но беше одложена поради прекин на електричната енергија низ целата земја, поради што Филаделфија го прикажа отворањето на турнејата.
Фановите на The Weeknd долго ја чекаа неговата турнеја, која требаше да започне во 2020 година, но двапати беше одложена поради пандемијата.