ТРЕТАТА СЕЗОНА НА БРИЏЕРТОН НОСИ СОСЕМА НЕОЧЕКУВАН ЗАПЛЕТ: Во фокус е љубовта меѓу кралицата Шарлот и кралот Џорџ
Помина долго време откако последен пат слушнавме вести за една од нашите омилени серии – Бриџертон. И токму кога помисливме дека продолжението ќе замине во заборав, Нетфликс носи добри вести – трејлерот за третата сезона. Со наслов Queen Charlotte: A Bridgerton Story, на почетокот на 2023 година ќе се вратиме на младоста на кралицата Шарлот и ќе ѕирнеме во почетокот на нејзината љубовна приказна со кралот Џорџ III.
Претпоставката е дека во третата сезона тема ќе биде Бенедикт Бриџертон, брат на виконтот Ентони Бриџертон, како и неговата врска со младата Софи Бекет. Имено, третиот роман на Бриџертон носи прекрасна љубовна приказна инспирирана од бајката за Пепелашка, а се работи токму за нив. Сепак, Бриџертон не би биле Бриџертон доколку не ни дадат неочекуван пресврт.
Во краткото видео, ја гледаме младата Шарлот, која ја игра Индија Амартеифио, како се обидува да се искачи на ѕидот пред да биде запрена од идниот крал Џорџ Трети, кој го игра Кори Мај Ичерист. Нивниот сладок разговор веќе ги освои обожавателите, подготвени да се нурнат во уште една романса на Бриџертон.
Во оваа фаза, Нетфликс сè уште не открива официјален датум за објавување на серијата, но она што го знаеме е дека најверојатно ќе се совпадне со премиерата на друг роман на авторката Бриџертон, Џулија Квин, кој исто така ќе биде за раните денови на кралицата Шарлот.
Погледнете го трејлерот подолу: