Голем процент, поточно околу 75 проценти од луѓето, тешко можат да пронајдат партнери за кои сметаат дека ги исполнуваат нивните критериуми. Ова се трите најчести грешки, кои треба да престанете да ги правите ако мислите да ја пронајдете љубовта на вашиот живот!
Една студија покажува дека луѓето не се толку пребирливи како што мислеле кога размислуваат со кого да се забавуваат или да стапат во врска. И не само тоа, многу од нив остануваат во врски кои одамна требало да завршат.
1. Се трудите да бидете некој друг
Луѓето често се занесуваат кога одат на состаноци и се преправаат дека сакаат работи што не им се допаѓаат. За да имате успешна врска, треба целосно да се прифатите себеси и да им го покажете тоа на оние околу вас.
Не се срамете од тоа што сте и не обидувајте се да ги пресликувате интересите и навиките на друга личност. Меѓутоа, за да го направите ова, прво мора добро да се погледнете во огледало и да се запознаете себеси, да видите кои сте навистина и што барате во животот.
2. Ги поставивте вашите стандарди премногу ниски или премногу високи
Не само што е во ред, неопходно е да имате стандарди при состанувањето, но понекогаш ги поставувате премногу ниско или премногу високо. Во првиот случај, правите компромиси за нешто што знаете дека ќе ве направи несреќни во иднина. Можеби се чувствувате очајно и сакате веднаш да најдете партнер, но ова е совршен рецепт за неуспех.
Во спротивно, ги поставувате вашите стандарди толку високи што речиси никој не може да ги достигне. Тоа е затоа што веројатно ја барате совршената личност, а треба да знаете дека такво нешто не постои.
3. Се плашите да одите на состаноци и да запознавате нови луѓе
Не очекувајте да ја пронајдете љубовта на вашиот живот со тоа што ќе запознаете само една личност – ќе треба да истражувате колку што можете повеќе за да сфатите што сакате. Со тоа што сте отворени за запознавање нови луѓе, ќе видите што ви пречи и што навистина барате.
Дури и ако ве одбиваат од време на време, лекциите што ќе ги научите ќе се покажат како многу важни во иднина.