Исчистете го домот од работи кои ви носат лоша среќа
Застапниците на филозофијата на фенг шуи веруваат дека овие предмети не треба да се наоѓаат во вашиот дом бидејќи ја исцрпуваат и ви ја одземаат позитивната енергија.
- Скршени, стари и истрошени работи
Единствениот начин да го исчистите енергетски вашиот дом и да ја отворите вратата за убави и позитивни вибрации е да се ослободите од овие работи. Мора добро да си го прегледате домот, колку стара и искината облека имате, скршени очила, стари весници, искршени уреди и апарати… Веројатно имате грст работи кои веќе не работат и немаат цел. Задолжително фрлете ги! Сите овие работи можат да го блокираат влегувањето на добрата енергија во вашиот дом.
- Препарирани животни и рогови
Веќе има многу полемики за целта на ловот. Убивањето на друго живо суштество без причина и ставањето крзно или рогови во куќата може да донесе само енергија на смртта.
- Африкански маски со тажни и вознемирени лица
Многу луѓе сакаат да ги украсуваат своите домови со вакви и слични сувенири, но експертите за фенг шуи немаат големо мислење за ваквата декорација. Причината е што нашиот ум е како огледало и камера: ако гледате маски кои се тажни, депресивни, вознемирени, збунети и слично, тоа може да влијае на вашето расположение.