Урмите се и слатки и здрави, па има ли подобра комбинација?
Урмите се нарекуваат „слатки на природата“ затоа што се познати по својата слаткост, што ги прави одлична закуска или замена за белиот шеќер во рецептите. Тие исто така обезбедуваат антиоксиданси, влакна и многу хранливи материи.
Калиум
Урмите содржат калиум, еден од најважните минерали присутен во човечкото тело. Го регулира балансот на течности, мускулните контракции и нервните сигнали. Кога нивото на калиум е ниско, тоа влијае на главните телесни функции, што доведува до ниско ниво на енергија, грчеви во мускулите и физички и ментален замор.
Урмите содржат влакна
Влакната се клучни за регулирање на дигестивниот систем и за одржување на нормалното здравје на цревата. Препорачаната дневна доза на диетални влакна е од 25 до 30 грама, пишува Real Simple.
Урмите содржат магнезиум и бакар
Магнезиумот е важен минерал за човечкото тело и мозок. Ја регулира функцијата на мускулите и нервите, нивото на шеќер во крвта и крвниот притисок. Тоа е исто така клучно за синтезата на протеините во телото. Бакарот му помага на вашето тело да добие доволно железо. Заедно со магнезиумот му овозможуваат на телото да формира црвени крвни зрнца. Бакарот помага и во одржување на здрави коски.
Урмите се добар извор на Б витамин
Витаминот Б6 влијае на централниот нервен систем и метаболизмот. Работи така што ја претвора храната во енергија и помага во производството на серотонин и допамин. Витаминот Б6 е еден од осумте клучни витамини Б кои се важни за поддршка на правилното функционирање на клетките. Кога нивото на витаминот Б6 паѓа, луѓето реагираат со осип на кожата, ослабен имунолошки систем, ниско ниво на енергија…