Утринската рутина на Ирина Шајк: РУСКОТО БУДЕЊЕ ја затегнува кожата и го прави тенот сјаен, а не чини ни денар
Традиционален метод за убавина кој доаѓа од студената Русија
Руската манекенка и актерка Ирина Шајк е доказ дека традиционалните рецепти навистина функционираат.
Оваа триесет и петгодишна убавица, која се појави на насловните страници на бројни модни списанија, ја сподели својата мала тајна поради која нејзината кожа блеска и покрај многуте обврски на манекенката и недостатокот на време за долготрајни третмани, да биде здрава и хидрирана.
Криотерапијата на лицето, или поедноставно, третман со мраз, е еден од традиционалните руски методи за нега на кожата.
Овој третман ја стимулира циркулацијата во лицето, го намалува отокот, ја затегнува кожата и и дава природен сјај.
Процесот е исклучително едноставен – мразот се поминува преку кожата на лицето.
Ирина открила дека мразот го подготвува претходната вечер, а во него додава и краставици и камилица, чии хранливи состојки благотворно делуваат на кожата на лицето.
Кога ќе се смири црвенилото, кое неминовно се појавува поради студот, Ирина на лицето мачка хидратантна крема, но не ги изостава вратот и деколтето.
После тоа, накратко го масира лицето со масажер, со што ја поттикнува дренажата, а потоа нанесува крем на пределот околу очите.
На крајот од третманот, моделот вели дека треба да напрскате мала количина термална вода, и да нанесете уште еден слој крема.
Изедначениот сјај, чистото лице без недостатоци и блескавиот тен на Ирина Шајк се најдобрите реклами за овој третман и секако добра причина да го пробате.