ФАНТАСТИЧНИ КРОАСАНИ СО КРЕМ! Се топат во уста! (РЕЦЕПТ)
Направете домашни кроасани, а ви предлагаме да ги наполните со крем
Кроасанот е една од класичните состојки на францускиот појадок. Денес се подготвува во различни варијации, со сирење, филуван со шунка, чоколадо или крем од лешник.
Состојки:
- 120 мл млака вода
- 12 гр свеж квасец
- 400 гр брашно
- 100 гр шеќер
- 2 лажици путер, стопен
- 60 мл млако млеко
- 1 јајце
- 1 лажица какао во прав
- 1 лажица млеко
- крем од лешник
Подготовка:
Загрејте ја рерната на 180°C. Истурете брашно во сад, направете вдлабнатина во брашното и издробете го свежиот квасец. Истурете млеко, путер, јајце, шеќер и топла вода. Промешајте за да се раствори квасецот. Месете ја смесата со раце додека тестото не се соедини. Мешајте додека не се изедначи и стане еластично, а потоа поделете на половина. Половина од тестото измешајте со какао и 15 мл млеко. Од двете теста обликувајте топка и оставете ги 1 час. Расукајте го и чоколадното и белото тесто во правоаголник. Ставете ја едната кора тесто врз другата и лесно притиснете. Исечете го тестото на триаголници и виткајте во кроасани. Секоја ролна ставете ја на плех обложен со хартија за печење и премачкајте со млеко. Печете 20-25 минути, оставете да се излади, па наполнете со крем од лешник.