Мистичната Матера е населена веќе илјадници години – од праисториски човек кој живеел во пештери до модерните Италијанци. Пештерските живеалишта (Саси) и црквите издлабени во карпите се совршен пример за прилагодување на животот на пејзажот и покажуваат различни фази од човечката историја во една област, поради што областа била вклучена во списокот на светско наследство на УНЕСКО во 1993 година.
Изградена на карпи со шупливи пештери, оваа населба во „петицата на италијанската чизма“ се чини сè уште е запрена со времето, а оваа уникатна комбинација на пејзаж, архитектура и историја е главната причина зошто се повеќе луѓе сакаат да ја посетуваат секоја година, но и зошто се повеќе режисери го доживуваат како идеална филмска локација.
Последниот во низата филмови снимени во Матера е „No Time To Die“ од серијалот на Џејмс Бонд во кој имавме можност да видиме импресивно бркање со автомобили низ стрмните калдрмани улици, но и романтични сцени на Матера во самрак.
Звучи неверојатно што европската престолнина на културата за 2019 година не толку одамна се сметаше за „срам на Италија“ и дека областа владеела со страшна сиромаштија и маларија, па властите ги иселиле жителите од градбите на пештерите во новоизградената населба надвор од градот. На оние кои ветија дека ќе ги реновираат зградите им беше дозволено да се вратат во своите поранешни домови кон крајот на 1980-тите.
Денес, туристите имаат можност да престојуваат и во некои од пештерите приспособени на сместувачки капацитети, па дури и хотели и да искусат малку полуксузна верзија на животот во пештерата. Еден од најпознатите хотели е Sextantio – Grotte Della Civita со 18 соби и апартмани во пештери и стара црква која сега служи како заедничка просторија, каде режисерот на „No Time To Die“ Кери Џоџи Фукунага и протагонистите Даниел Крег и Леа Сејду останаа за време на снимањето во Палацо Гатини.
Во прилог на увид во историјата што трае со милениуми, Матера и целиот регион Базиликата, нуди поглед на уникатните пејзажи на јужна Италија во кои се повеќе посетители ќе уживаат – дури и без возбудливата потера во Астон Мартин .