ФРАНЦУЗИНКИТЕ ЈАДАТ КРОАСАНИ И ПИЈАТ ВИНО, А ОСТАНУВААТ ВИТКИ: Еве со помош на кои трикови им успева тоа!

Французинките важат за една од најелегантните дами со посебна убавина кои немаат многу поголеми проблеми со килограмите, иако многу често уживаат во неодоливиот вкус на нивните познати кроасани, како и во чаша уште подобро вино. Се прашувате како?

Имено, повеќето од нив прибегнуваат кон следните трикови кои се незаменливи сојузници во одржувањето на младешкиот изглед и витката линија. И што е најважно, благодарение на нивните животни навики, тие се на листата на најздрави жени во светот, а знаеме дека јадат и кроасани и масни сирења, колбаси, шницли и многу путер.

Како се снаоѓаат?

Нутриционистите веруваат дека нивната основа е различен начин на живот од нашиот – тие се трудат да одржуваат рамнотежа на сите полиња. Значи, не се работи само за тоа што Французинките следат посебен режим на исхрана, туку на прво место ја ставаат рамнотежата, што е тајната на нивниот младешки изглед.

Исхраната на Французинката не се заснова на броење калории, туку на комбинирање на храна и умерено користење на нездрави работи, кои не ги исфрлаат сосема од менито. Значи, можете да јадете сè, само во умерени количини.

Друг аспект на оваа диета е квалитетот на храната и оброците. Често јадеме брза храна подготвена со слабо обработени производи и токму тука грешиме. Инвестирањето во храната се препорачува како процес на инвестирање во нашето здравје. Треба да купувате производи кои се природно одгледани, без дополнителни хемикалии.

Посебно се препорачува:

– маслиново масло,
– црвено вино,
– сина риба,
– многу овошје и зеленчук,
– вода.

Водата е исклучително здрава како прочистувач на телото, но ни дава и чувство на ситост. Во комбинација со споменатите намирници, сигурно ќе ве доведе до посакуваната линија.

Слатките и храната што вообичаено се смета за непожелна во диетите, како што е сирењето, не мора нужно да бидат лоши. Кроасан или овошна салата е добар десерт, и заситувачки оброк богат со витамини, па Французинките го јадат речиси секој ден.

Тие веруваат во уживање во мали нешта – гастрономски задоволства. Сепак, тие попрво ќе се одлучат за топка органски сладолед отколку крофни со шеќер во прав. Дали ја гледате разликата?

Треба да се елиминираат преработените грицки како што се чипсот, солените кикиритки и другата штетна храна. Како нивна замена користете јаткасти плодови кои имаат бројни придобивки за нашиот организам, но и за нашето расположение.

За полесно да преминете на овој начин на живот, се препорачува подготовката и консумирањето на оброците да ги претворите во еден вид ритуал и време за себе. Односно, без прелистување весници, гледање телевизија и социјални мрежи. Со онлајн детоксикација и умерена исхрана, нема друга пречка која може да ве попречи на патот до посакуваната линија.