Чиста и совршена кожа: Четири совети како да ги исцедите мозолчињата без да оставите лузни
Бидете исклучително внимателни кога станува збор за стискањето
Ако се борите со мозолчиња, веројатно сакате да се ослободите од нив што е можно поскоро, но упорното стискање сигурно нема да помогне.
Згора на тоа, дури и ќе си направите проблем бидејќи ќе останете со лузни и дамки на лицето кои подоцна нема да можете да ги отстраните.
Затоа е важно да бидете многу внимателни кога станува збор за стискање мозолчиња и да знаете кога можете, а кога не можете да го направите тоа.
Ако сте одлучиле сами да ги отстраните мозолчињата, има неколку совети како да го направите тоа безбедно. Прво и основно – знајте дека ако одлучите да ги санирате мозолчињата дома, влегувате во опасната зона, ризикувајќи последици како што се лузни, хиперпигментација и инфекција.
Меѓутоа, доколку сакате да знаете како да го направите тоа на најбезбеден начин, следете ги советите на козметичкиот дерматолог д-р Каран Лал.
- Мозолчиња сигурни за стискање
Мозолчињата за кои д-р Лал вели дека се најбезбедни за стискање се оние кои имаат мала бела грутка исполнета со гној во центарот. Тие полесно избиваат со благ притисок, што е неопходно заради безбедноста. Црвените мозолчиња кои се цврсти не треба да се допираат, тие се наоѓаат многу подлабоко во кожата, а нивното стискање носи многу поголем ризик од несакани ефекти како што се лузни и хиперпигментација.
Д-р Лал предупредува и за мозолчиња околу носот и интермедијалното подрачје на образите, бидејќи стискањето во таа област носи ризици, но и опасни несакани ефекти кои можат да предизвикаат разни компликации.
- Бидете нежни
Лесниот притисок е клучен кога ги цедите мозолчињата, за да избегнете лузни и хиперпигментација. Тој предлага да користите две стапчиња за уши за нежно да го стиснете мозолчето од секоја страна додека не почне да избива гној.
Избегнувајте целосно стискање на мозолчињата – сакате да се ослободите од гнојот и ништо друго, па ако видите крв, сте претерале.
- Чистота
Покрај нежниот притисок, работата со чиста и дезинфицирана кожа, прсти и инструменти е клучна. Иако Лал не предлага користење на алкохол за триење на мозолчињата по пукањето, тој вели дека е сосема во ред да се користи претходно за нежно да се исчисти областа и да се избегне внесување бактерии во кожата.
- Продолжете со соодветна грижа
Експертот забележува дека секогаш кога ќе ја исфрлите содржината на акната, создавате отворена рана, а кога ќе создадете рана, таа треба правилно да зарасне.
Ова е местото каде што последователната грижа игра важна улога. Примената на која било активна состојка како бензоил пероксид, салицилна киселина или ретиноиди е лоша идеја бидејќи овие состојки ќе предизвикаат сериозна иритација и ќе го зголемат ризикот од хиперпигментација. Можете да продолжите да ги користите овие состојки откако мозолчето ќе зарасне.
Наместо тоа, лекарите препорачуваат користење на хидроколоидни фластери или фластери за акни за да се спречат бактериите да навлезат во кожата, помагајќи им на акните да зараснат побрзо и потенцијално намалувајќи го ризикот од лузни и хиперпигментација.