Актерот Џорџ Клуни и неговата сопруга Амал Клуни го поминаа најголемиот дел од пандемијата на корона вирусот изолирани од светот за да го заштитат својот син Александар, кој боледува од астма.
Сепак, како што ситуацијата со Ковид се смирува, Клуни полека се враќаат на обврските со кои напредуваат! Амал, адвокатка за човекови права која деновиве е во Њујорк на состаноци во Обединетите нации, врши особено важна работа.
Таа престојува во Големото јаболко во друштво на нејзината мајка Барија Аламудин, а фоторепортерите ги забележале за време на излегување за вечера.
Амал за оваа прилика реши да ги спои удобноста и елеганцијата, па донесе необична комбинација која изгледа многу импресивно. Адвокатката избра фармерки од брендот RE / DONE, модел наречен Stove Pipe, кој го краси класичниот дизајн. Станува збор за едноставен модел на панталони од тексас со прави ногавици и не премногу темни нијанси. Сепак, што се однесува до Амал Клуни, тоа не се било какви фармерки, туку верзија со непорабени ногавици, кои даваат по малку невнимателен и многу лежерен изглед.
Иако е вообичаено да се видат овие панталони со патики или евентуално балетанки, г-ѓа Клуни решила да ги комбинира со салонки на куќата на Џанвито Роси. Таа се одлучи за модел со проѕирни делови и металик сјај, кој изгледаше многу шик со светкав топ и елегантна црна јакна.