Антиоксидансите и витаминот Ц се две најважни состојки на кивито
Кивито е освежително овошје кое има висока хранлива вредност, бидејќи е богато со витамини Ц и К, калиум, фолна киселина и растителни влакна. Тоа е вистински еликсир за здравје и убавина, што се должи на неговата содржина на витамини и антиоксиданси.
Експертите велат дека има бројни придобивки од ова овошно дрво, а ние издвоивме три.
- Добро е за срцето
Кивито ги штити срцето и артериите со тоа што влијае на подобрата циркулација, спречувајќи акумулација на триглицериди и со тоа го намалува ризикот од згрутчување на крвта. Кивито помага и во контролата на крвниот притисок, делумно благодарение на намалувањето на ангиотензин-конвертирачкиот ензим, пишува „BBCgoodfood“.
- Го зајакнува имунитетот
Кивито е исклучително богато со хранливи материи кои го поддржуваат имунитетот, вклучувајќи витамини Ц, Е, К и фолати, како и каротеноиди, влакна и фитохемикалии. Студиите сугерираат дека сите тие го поддржуваат имунолошкиот систем и потенцијално ја намалуваат зачестеноста и сериозноста на настинките и симптомите слични на грип кај ранливите групи како што се постарите лица и децата.
- Богато е со антиоксиданси
Кивито е богато со хранливи материи и фитохемикалии кои имаат антиоксидантни својства. Овие супстанции помагаат да се намали оксидативното оштетување и како резултат може да се намали ризикот од хронични болести.