5 ВОЛШЕБНИ НАМИРНИЦИ ЗА ДЕТОКСИКАЦИЈА: Искористете го викендот за обнова на организмот

Викендот е вистинско време да се посветите на себе, вашето тело, изглед и здравје. Ви пренесуваме преглед на пет намирници кои благотворно ќе делуваат на вашето тело. Конзумирајте некои сами, а можете да комбинирате.

На пример, според Ајурведата, на крајот од секој оброк се препорачува да јадете по една лажица мешавина од свеж ѓумбир, мед, лимон, куркума и хималајска сол, бидејќи оваа комбинација ќе ви помогне полесно да го сварите ручекот. А еве уште неколку „магични“ состојки…

Ѓумбир

Познат е како чудотворна храна, која е богата со витамини и минерали и ги отстранува токсините од телото.

Хималајска сол

Ги стимулира дигестивните сокови и ги отстранува токсините: се препорачува секое утро да се става зрнце камена сол на јазикот и да се пие со малку млака вода.

Ориз басмати

Му помага на телото да се ослободи од токсините, а неговата слуз го обложува и регенерира желудникот.

Лимон

Тестирајте 24-часовна детоксикација со лимон. Направете лимонада од 2 лажици сок од лимон, 3 dl млака вода, прстофат кајен пиперка и една лажичка јаворов сируп, кои ќе ги пиете свежи наутро, десет минути пред појадок, за ужина и два часа пред спиење. За појадок тој ден, јадете нешто лесно како јогурт со овошје, јадете риба на скара попрскана со сок од лимон и прескокнете ја вечерата.

Мунго грав

Поволно делува на црниот дроб и е богат со минерали и витамини.