Експерт објасни дека спиењето покрај мобилен телефон е штетно по здравјето.
Одите во кревет со телефонот? Дали го навивате алармот, потоа го ставате до перница или на ноќната маса, а го оставате и да се полни? Повеќето луѓе го прават тоа, но лошата вест е дека оваа навика е исклучително штетна за здравјето.
Рускиот експерт, невролог Олга Зинчева, ве повикува веднаш да се ослободите од овие навики. Како што истакна таа за руските медиуми, „човечкото ткиво го апсорбира радиофреквентното зрачење на мобилниот телефон, што може негативно да влијае на здравјето“.
Зинчева додаде дека ефектот на сината светлина што ја емитува екранот на паметниот телефон може да биде штетен за очите и да придонесе за развој на дегенеративни болести. Неврологот наведе други потенцијални нарушувања поврзани со навиката да се спие покрај мобилен телефон:
- нарушување на биолошкиот ритам
- несоница
- главоболка
- намалување на функционалноста
- проблеми со меморијата
Зинчева исто така посочи дека некои истражувања го поврзуваат присуството на радиофреквентно зрачење на уредот со зголемен ризик од здравствени проблеми, меѓу кои се невролошки и ментални нарушувања.