Турска авиокомпанија објави дека во своите авиони воведува „зони без деца“, што предизвика многу дискусии на интернет.
Додека некои ја поддржуваат оваа идеја, други сметаат дека е чудна и неприфатлива.
„Авиокомпаниите очигледно размислуваат да воведат зони без деца во авионите, но навистина е тажно колку малку луѓето имаат толеранција за бебињата и децата. Толку многу што се однесуваат како да не припаѓаат во јавноста“, се вели во објавата со која започна дебатата.
Стотици луѓе го споделија своето мислење на оваа тема.
“Забележав дека луѓето се лути на децата во јавноста повеќе од кога било досега. Обично им се смееме, но сега тоа се менува. Чудно е и тажно”, напишала една личност.
Има и такви кои веруваат дека денешните родители не ги учат своите деца како да се однесуваат во јавност.
„Мислам дека се што се случува е мотивирано од промени во родителството. Кога бев тинејџер, децата беа воспитувани сосема пристојно. Денес има се повеќе непристојни деца, а нивните родители не се симнуваат од телефонот “, стои во еден од коментарите.
„Наместо да се жалите на луѓето кои лошо реагираат на однесувањето на децата, фокусирајте се да ги научите вашите деца како да се однесуваат во јавност“, се согласи друго лице под објавата.
#FPVideo: #Turkish–#Dutch airline Corendon announces “adults only” zones on its flights in #Europe. Zones to be made accessible to passengers above 16. The service, starting from November, to be made available on #Amsterdam to Curacao Island flights at $49. pic.twitter.com/qQi7rk7C6m
— Firstpost (@firstpost) August 30, 2023
Компанијата „Корендон“ откри дека делови од нивните авиони ќе бидат наменети само за возрасни, што значи дека на малите деца ќе им биде забранет влезот во нив. На летовите меѓу Амстердам и островот Курасао, предниот дел на авионот е веќе физички одвоен од остатокот од авионот.
„Ѕидовите и завесите создаваат заштитена средина што придонесува за мирен и релаксиран лет“, објаснуваат од компанијата, додавајќи дека зоната за возрасни има девет XL седишта со дополнителен простор за нозете и 93 стандардни седишта.
Резервација на места во зоната за возрасни е можна само за лица над 16 години и чини 45 евра во стандардната зона и 100 евра во зоната XL.