Патот што води до океанот е спектакуларна глетка која може да ја видите ако се најдете на Флорида: прекуокеанскиот автопат е долг 180 километри и ги поврзува островите и островчињата Флорида Кис. Инженерското чудо е изградено во триесеттите години на 20 век на трасата на железничката пруга која била уништена од разорен ураган. Црно-белата бова во Ки Вест го означува крајот на патувањето – најјужната точка на континенталниот дел на САД, каде Куба е поблиску од Мајами.
Патувањето од Мајами до Ки Вест, Флорида не било секогаш безгрижно како денес. Пред да се изгради патот, единствениот начин да се помине тој пат било еднодневно патување со брод, а распоредот на пловење зависел од времето и плимата.
Познатиот прекуокеански автопат води преку 44 острови и 42 моста, а се минува во просек за помалку од четири часа – ако се воздржите да не застанете на една од постојките на патот. Таму ќе најдете совршени места за нуркање, како и музеј каде што можете да дознаете повеќе за поранешната железница, која некогаш се нарекувала светско чудо.
Пејзажите во кои можете да уживате додека возите тешко се опишуваат со зборови. Небото кое се топи во тиркизното море, варовничките острови, чамците кои тресат на брановите и делфините кои го изведуваат својот танц создаваат спектакуларна глетка.