Автопортрет на Џони Деп: „Сликата е одраз на пет болни години од мојот живот“
Автопортрет на Џони Деп, насликан во времето кога холивудската ѕвезда беше во судска битка против поранешната сопруга Амбер Херд, е пуштен во продажба во четвртокот.
Почнато во 2021 година во студиото на британскиот илустратор Ралф Стедмен, уметничкото дело со наслов Five („Пет“) е довршено оваа година.
„Овој автопортрет е создаден во време кое беше… да речеме, мрачно, збунувачко“, рече Деп.
„Го погледнав и не знам зошто, мислев дека треба нешто друго. Потребни се дополнителни информации… во суштина таму само напишав ‘Пет’ затоа што требаше да влезам во петтата година од лудилото“.
THE WAIT IS OVER – 'FIVE' BY JOHNNY DEPP
Today, Johnny Depp debuts ‘Five’, his deeply personal self portrait, as an exclusive time-limited edition. Available exclusively from Castle Fine Art for 13 days only.
Secure your artwork here: https://t.co/DJD7O7ZrNx pic.twitter.com/FUAsDxwbSp— Castle Fine Art (@castlegalleries) July 20, 2023
Деп се ожени со Херд, која ја запозна на снимањето на филмот The Rum Diary, во 2015 година. Нешто повеќе од една година подоцна, таа поднесе барање за развод.
Нивната бурна врска беше соголена пред јавноста во две посебни судења.
Минатата година Деп извојува речиси целосна победа на судењето во САД откако поведе тужба за клевета против Херд, која го обвини за семејно насилство. Деп негира дека ја удрил неа или која било друга жена.
Две години претходно, Деп ја загуби тужбата за клевета во Британија против таблоидот „Сан“, кој го нарече тепач на сопругата. Високиот суд во Лондон пресуди дека Деп во неколку наврати ја нападнал Херд. Набргу тој беше исфрлен од спиноф-серијалот на Хари Потер, „Фантастични ѕверки“.