Уморни од сè и сакате да се преселите на место каде што нема гужви? Можеби Ирска го има вистинскиот одговор за вас. Ирската влада објави план според кој сака на луѓето да им плати повеќе од 80.000 евра за да се преселат на еден од оддалечените острови во земјата, пишува CNN.
Иницијативата е дел од поголемиот план „Our Living Islands“, кој ќе ги насели оддалечените острови во земјата без мостови. Меѓутоа, преселувањето не е лесна работа, бидејќи оние луѓе кои ќе решат да најдат нов дом на изолираните острови ќе мора да придонесат за реновирање на трошни имоти, од кои ги има во многу, а парите што ќе ги добијат во голема мера ќе одат на работа…
Исто така, списокот на што може да одат еврата содржи детални инструкции. Идејата на владата е да се подобри инфраструктурата, како и да се обезбеди подобра здравствена заштита и образование во следните три години. Еден од островите што бара нови жители е Inis Mór, чиј прекрасен пејсаж може да го препознаете од холивудскиот хит „The Banshees of Inisherin“ во режија на Мартин Мекдонаг со Колин Фарел.