Блескава и затегната кожа е можна и во 40-тите: Козметичарката која се грижи за Кејт Мос открива важна работа која сите ние обично ја прескокнуваме
Бројните светски ѕвезди како Кејт Мос, Гвинет Партлоу и Викторија Бекам имаат сјајна и затегната кожа и исклучително младешки изглед.
Покрај третманите, нивната блескава кожа ја должат на соодветна грижа и строга рутина за нега на кожата, што им овозможило да го задржат природниот сјај дури и по 20-тите и 30-тите години.
Никола Џос, позната славна козметичарка и експерт за нега на кожата, е првиот избор на многу познати личности за одржување на здрава и младешка кожа, а на нејзиното знаење и веруваат Кејт Мос, Хилари Свонк, Гвинет Партлоу и Меган Маркл.
Џос открива како да ја создадете најдобрата рутина за нега на кожата во вашите 40-ти, како и превентивни чекори што треба да ги преземеме децении порано, како и грешки што треба да ги избегнувате за здрава, сјајна кожа во вашите 40-ти.
- Најчестите грешки во негата на кожата кои треба веднаш да престанеме да ги правиме
Употребата на премногу груби производи како пилинг што ја лишуваат кожата од нејзините природни масла може да предизвика стресни реакции на кожата, вели козметичарката, па затоа е важно да користите понежно формулирани производи кои се исто толку ефикасни, како и да внесете масла и серуми во вашата рутина за нега на кожата. Неносењето креми за сончање и производи против загадување исто така може негативно да влијае на долгорочниот изглед на вашата кожа. Џос ја забележува важноста да се носи крем со заштитен фактор секој ден, како и производи кои штитат од надворешно загадување, иако тие се релативно нов тренд на пазарот.
- Важност на масажата на лицето
Масажата на лицето е чекор во рутината за нега на кожата што повеќето луѓе ја прескокнуваат, но Џос ја објаснува нејзината важност за време на утринската и вечерната нега на кожата. Во вечерните часови, масажата на лицето се користи за релаксација на кожата и ослободување од секојдневниот стрес, додека утринската масажа ќе ја разбуди кожата и ќе ја подготви за претстојниот ден. Ролерот за лице е одлична помошна алатка која ќе ги стимулира мускулите на лицето и ќе ја ублажи напнатоста.
- Состојка која треба да почнеме да ја користиме веднаш
Меѓутоа, потребно е да се обезбеди здравје на кожата не само однадвор, туку и одвнатре, па покрај активните состојки кои можеме да ги користиме на кожата, мора да водиме сметка и за внесување на состојки како што се витамините C и E, зелен чај, ниацинамид и масло од семки од грозје преку производите што ги користиме. Овие состојки можеме да ги воведеме преку додатоци во исхраната, како што се пробиотиците, кои позитивно ќе влијаат на нашиот имунолошки систем, објасни Џос.
- Совет бр. 1 за жени во нивните 40-ти
Џос уште еднаш нагласи дека она што го внесуваме во нашите тела е исто толку важно како и она што го ставаме на нашата кожа. „Погрижете се вашата рутина за убавина да не вклучува само специфична нега против стареење, туку и состојки за нега на кожата во вашата исхрана“, објасни Џос, повторувајќи ја важноста од вклучување на масажата на лицето во вашата рутина за нега на кожата.