До три шолји дневно е доза која му одговара на организмот!
Кафето може многу поволно да делува на организмот, под услов да го пиете умерено, што значи најмногу три шолји дневно и без адитиви како шеќер и млеко.
Добрата вест за сите што сакаат да пијат кафе е што може да го поттикне метаболизмот, што е многу добро доколку сте на диета или имате проблем со варењето, но како што веќе споменавме, многу е важно како го подготвувате.
Избегнувајте шеќер
Поточно, станува збор за за количината на шеќер во вашето кафе. Тоа може да има негативен ефект врз вашето целокупно здравје.
– Додавањето шеќер е најлошата навика, особено ако сакате да ослабете. Ова ги вклучува сите видови млеко, павлака и други видови засладувачи или ароми – се согласуваат нутриционистите.
Иако некои шеќери ни се неопходни, како што се оние од овошјето и житарките, повеќето луѓе сепак консумираат премногу индустриски шеќер. Меѓутоа, ако сакаме да го зачуваме нашето здравје, мора да најдеме начин да го намалиме неговото внесување.
За почеток, обидете се барем да не додавате шеќер или други вештачки засладувачи во вашето кафе.
– Ако пиете две до три шолји кафе секој ден и на тоа додавате засладувачи или шеќер, го загрозувате вашето здравје, а може и да се здебелите – велат експертите. Ако веќе не можете без шеќер, максимално намалете ја количината што ја додавате во кафето.