Повеќето од нас обичните луѓе после спортска активност мораме да се задоволиме со чаша вода или некој изотоничен пијалок. Сепак, среќниците кои ќе се одлучат да ја посетат германската Шварцвалд, по добра прошетка можат да се наградат со шнапс од локално производство. Сместена покрај Шварцвалд, планинарската патека Oberkircher Brennersteig нуди мали фонтани за шнапс на жедните планинари.
Се работи всушност за „кади“ наполнети до гребенот со шишиња со шнапс во ладна вода, а сите што мислеа дека тоа е бесплатно уживање грешат.
На страна има мала кутија каде што треба да ставите пари пред да уживате во вкусна чаша или две.
Кружна патека ги носи посетителите низ овоштарници, лозја, фарми и дестилерии (локално познати како brennereis). А со оглед на фактот дека Шварцвалд е полна со овошје, малите фонтани за ликери на база на овошје изгледаат многу соодветни.
Шнапсот, или како што ние го познаваме ракија, е алкохолен пијалок направен од дестилирани овошни ракии, билни ликери и слично и е доста популарна во Германија, а оваа патека изобилува со разни овоштарници со круши, цреши, јаболка, сливи… Се смета дека најдобро време за посета на патеката е од март до октомври за да се избегнат непријатните временски услови во зимската сезона. И ако сакате да ја завршите целата патека, треба да очекувате да трае во просек четири часа.
Секако, по ова откритие, постои страв дека ќе ја откриете и завршите патеката за многу подолго време, бидејќи кој би одолеал на повикот на убав, вкусен, питок и ладен – шнапс.
