Карактеризиран како една од најпосетуваните дестинации во Австралија, Големиот корален гребен беше дел од листата на УНЕСКО на загрозени дестинации.
Сега, сепак, благодарение пред се на напорите на властите, тој повеќе не е дел од таа листа. Но, тоа не е конечно.
За потсетување, не само што е најважната туристичка атракција во Австралија, туку и Големиот корален гребен е најголем од ваков вид во целата земја, а воедно е и едно од најпознатите природни чуда. Повеќе од 2.900 индивидуални гребени и деветстотини острови го прават ова природно чудо уникатно.
Но, пред се поради загадувањето се нашол во опасност. А за тоа придонесе и оштетувањето на коралите, како и затоплувањето на океанот што го опкружува. И токму затоа Големиот корален гребен беше вклучен во листата на загрозени места на планетата Земја.
За среќа, надлежните го сфатија сериозно и долго време се обидуваа да направат нешто околу тоа.
– Во нацрт-одлуката се наведува „значаен напредок“ што е постигнат во однос на климатските промени, квалитетот на водата и одржливиот риболов – сето тоа го става гребенот на посилен и поодржлив пат – рече Ентони Албанес, премиер на Австралија, додавајќи дека УНЕСКО не го отстранил трајно гребенот од листата на загрозени подрачја, за тоа да се случи е потребен поголем труд и работа.
Извештаите покажуваат и дека приливите од оваа атракција се значителни. Големиот корален гребен носи речиси шест милијарди американски долари за економијата, додека обезбедува 64.000 работни места.
За да ја заштити оваа природна атракција што е можно повеќе, Владата на Австралија одлучи да инвестира 1,2 милијарди австралиски долари.
Според планот, до февруари следната година австралиската влада треба да поднесе извештај за напредокот на процедурата за заштита до Обединетите нации.
