Колку би платиле за да спиете на отворено,без струја,фрижидер,да пиете обична вода под тропското сонце?Некои даваат и до 10.000 долари за ноќ.
Заборавете на луксузот и хотелите со 5 ѕвезди кои ја задоволуваат секоја ваша желба пред да ја кажете.Новото „луксузно место“ кое сака да ве претвори во примитивен истражувач се вика ROCS Island Experience и се одвива на остров кој не постои на ниту една мапа,па ни во понудите на туристичките агенции.
Островот Алфурос,парче земја во близина на Националниот парк Комодо,е неистражено,добро скриено богатство кое е претворено во луксузно одморалиште,но без никаков луксуз.Мали дрвја и грмушки,стрмни карпи и апсолутна дивина формираат целосно изолиран пејзаж кој секоја година привлекува се повеќе посетители.
И ако очекувате ултра луксузен хотелски апартман со 5 ѕвезди,подобро е да ја смените вашата дестинација.Наместо кревети и меки перници,ве очекува надворешна колиба од бамбус со платнен покрив со два кревети и надворешен туш и тоалет.
Има оган,мал генератор за полнење на мобилниот телефон,додека нема потреба од Wi-Fi.
Во случај на итна медицинска помош,на посетителите на островот ROCS им треба малку среќа бидејќи најблиската болница е оддалечена половина час со глисер,додека до островот не може да се стигне со хеликоптер.
ROCS означува повторно обединување на човекот со природата и неговата сопствена свест,односно духовно уживање преку материјална апстиненција.„Доаѓате на островот и сфаќате дека ништо не ви треба“, вели Вероника Бломгрен,која управува и со островот и со чартер јахтата со нејзиниот син Александар.Првично,таа и нејзиниот сопруг бараа 100 милиони долари од инвеститори за да развијат луксузни вили овде,но планот брзо беше променет.Сон на Вероника и нејзиниот сопруг е целосно пошумување на островот.
„За кафе во тавче зоврив вода бидејќи немаше гезве.Вечерата ја донесе капетанот на јахтата,инаку се се готви на отворен оган. Јас не спиев ноќе,туку убавината на соседните острови и светлината на Млечниот Пат ноќе ме натера да размислувам.Не зажалив што бев таму.Навистина се чувствував среќен“,вели еден возбуден гостин кој потрошил 30.000 долари за викенд престој.
Креаторите на ова искуство на средината на островот велат дека ROCS е насочен кон тврдокорните романтичари,луѓе кои можат да видат надвор од она што постои.Тоа е за оние кои се забавуваат со себе,за кои чудата никогаш не престануваат.