ДАЛИ РЕДОВНО ЈА ДЕПИЛИРАТЕ ИЛИ БРИЧИТЕ ВАШАТА БИКИНИ ЗОНА? Доктор посочува дека сте изложени на ризик од овие 4 здравствени проблеми
Венерологот Ева Мелег наведува дека осипите и инфицираните пори се само дел од проблемите кои би можеле да ви се случат доколку ја депилирате или бричите вашата интимна зона.
Многу жени сакаат да ја депилираат или бричат интимната регија, меѓутоа, д-р Ева Мелег предупредува дека тоа може да доведе до разни проблеми со кожата.
Таа истакна четири работи кои можат да ви се случат и на кои треба да обрнете посебно внимание:
- Осип
Дали некогаш сте ја издепилирале или избричиле вашата бикини линија до совршенство, за по неколку минути да се појават црвени испакнатини?
Додека осипите по депилација и бричење се вообичаени на кој било дел од телото, д-р Мелег вели дека кожата на вашата срамна област е потенка и особено чувствителна, што ја прави пречувствителна на било какво отстранување на влакната.
Таа советува да избегнувате танги два дена по депилација или бричење и наместо тоа да се одлучите за памучна долна облека.
- Инфицирани пори
– Депилацијата ги вади влакната од порите на кожата, привремено оставајќи „отворена дупка“.
Исто така, „често го кине врвот на порите, предизвикувајќи мали гребнатини на кожата“.
Вашата срамна област обично добива многу малку воздух и има тенденција да биде топла и затворена во вашата долна облека, поттикнувајќи ги бактериите и габите брзо да се размножуваат во отворената рана.
Ова може да ве остави со ужасни, инфицирани пори, поради кои вашата кожа може да изгледа преплавено со мозолчиња.
За да се борите против ова, таа советува нежно да правите пилинг на местото секојдневно, до четири дена по депилацијата или бричењето, за да се избегне таложење на бактерии во порите на кожата.
– Исто така обидете се да носите поширока облека еден ден по депилацијата, за областа да се проветрува, а можете да спиете и без долна облека, еден до два дена по депилацијата или бричењето – додава докторката.
- Сува кожа
– Редовното депилирање и бричење ја суши кожата, бидејќи срамните влакна ја задржуваат влагата и маслата и ја одржуваат кожата влажна – вели д-р Мелег и додава:
– Секогаш кога се депилирате со восок, горниот слој на кожата се отстранува во текот на процесот, што значи дека се губи дополнителна влажност.
- Херпес
– Депилацијата или бричењето на вашата интимна регија всушност ги трауматизира вашите усни, што може да предизвика појава на херпес доколку сте во 50 проценти од популацијата што го носи вирусот на херпес – вели д-р Мелег.
– Многумина од нас користат балзам најчесто, за усните да бидат меки и заштитени, па на вагиналните „усни“ им е потребен ист третман – вели докторката и препорачува користење на природни балсами за заштита на интимната регија од трауми со депилација и бричење.