Чистата коса е основа за добар изглед. Сепак, не ги осудувајте луѓето со валкана коса, тие можеби страдаат од мрсен скалп. Обично ја мијат косата секој ден бидејќи мислат дека тоа е вистинското решение.
Со текот на времето, косата станува кршлива и порозна, врвовите брзо се сушат, а секрецијата на себум станува посилна.
Зголеменото мрсење на скалпот може да биде предизвикано од хормонални промени, неухранетост, производи за нега кои не ви одговараат итн.
Секако, ваквиот проблем е многу непријатен, а освен естетски, има уште еден проблем – мрсната коса побрзо опаѓа.
Доколку се соочувате со проблем со зголемена маснотија на скалпот, дефинитивно треба да одите на лекар – може да се работи за хормонален дисбаланс или некој друг здравствен проблем.
Генетиката може да биде една од причините зошто вашата коса брзо се мрси. Трихологот и козметолог Ајгул Ибатулинаа сподели три упатства кои ќе ви помогнат да ја одржувате косата чиста што подолго.
Постојат две основни правила за нега на косата со зголемена маснотија
– Мијте ја косата двапати. Ова не значи дека треба да ја миете косата двапати неделно или два пати на ден. Тоа значи дека секогаш кога ќе ја миете косата, прво мора да нанесете шампон, да го држите три минути, да исплакнете, потоа повторно да се измиете со шампон и повторно да исплакнете.
– Не нанесувајте го регенераторот на коренот.