Дали внимавате на видот на храната што ја јадете пред спиење?
Дури и кога ќе успеете да заспиете пред полноќ, може да се соочите со будење во текот на ноќта или со чувство на умор наутро.
Ова може да биде предизвикано од она што сте го јаделе или пиеле претходната ноќ, велат експертите за спиење.
„Оброк кој е блиску до времето за спиење може да предизвика зголемување на шеќерот во крвта и да влијае на вашиот деноноќен ритам, што е природен циклус на спиење-будење на вашето тело“, објасни Карлеара Вајс, асистент-професор за истражување, кој се фокусира на бихејвиоралната медицина за спиење и деноноќниот ритам.
– Последиците вклучуваат будност навечер со пречки во варењето или будење следниот ден со главоболка и замор. Добра идеја е да престанете да јадете и пиете најмалку два до три часа пред спиење. Но, постојат и одредени намирници кои треба да ги избегнувате пред спиење – советува Вајс пишува „Huff Post“.
Млечни производи
Многу луѓе се борат со варењето на млечните производи, што може да го вознемири вашиот стомак и да ве држи будни ноќе. Цврстите сирења, како што се пармезанот и стариот чедар, содржат аминокиселини тирозин и тирамин, нуспроизвод од разградувањето на тирозин. И супстанциите кои се наоѓаат и во сушеното и преработеното месо, можат да имаат стимулирачки ефект и да ве држат будни.
Зачинета храна
Истражувачите веруваат дека капсицинот, соединение кое се наоѓа во зачинетата храна, може да биде главниот виновник. Се смета дека капсицинот ја зголемува телесната температура, што го попречува сонот.
Солени закуски
– Чипсот, колачињата, крекерите и слатките често се вечерни закуски. Овие намирници имаат тенденција да бидат богати со шеќер и јаглехидрати, што може да го подигне шеќерот во крвта и да го отежне сонот, вели Бенџамин Бикман, метаболитички научник.