Зошто миди фустаните какви што носи Кејт Мидлтон се кралици на целодневниот стајлинг

Принцезата Кејт Мидлтон е секогаш беспрекорно облечена. Таа непогрешливо знае како да го прилагоди својот изглед на приликата, не избегнувајќи често да ги повторува своите аутфити и да укаже на важноста на економичноста во модата.

Иако повеќето ситуации во кои се наоѓа „штедливата принцеза“ се одредени со протокол и на тоа работи цел тим експерти, има многу што може да послужи како модна инспирација за жените во секојдневниот живот.

Едно такво парче облека е дефинитивно миди фустанот.

Тоа значи токму она кон што се стремат многу модни дизајнери – облека погодна за цел ден. Жените денес сакаат парчиња кои ќе можат да го придружуваат нивниот работен ден, работа со полно работно време, но и кои можат да ги покријат активностите планирани потоа – одење на концерт, изложба, во кино, на кафе со пријателите, коктел, после која можеби вечера во друштво… Има многу што се вклопуваат во еден ден, па не е ни чудо што посакуваниот аутфит е токму оној што го покрива сето тоа.

Монохроматските фустани со средна должина, како оние што ги носи Кејт Мидлтон, но често и шпанската кралица Летиција, ја нудат пристојноста и професионализмот потребни на работа, но се и доволно елегантни за да одговорат на разни други активности.

Кралицата Летиција често воведува неколку бои, но несомнено избира комплементарни, кои се применливи за секој ден.

Овие фустани имаат свои верзии за сите сезони, што ги прави идеално модно решение.