Како треба да се чува ЃУМБИР? На овој начин останува свеж и до шест месеци

Свежиот ѓумбир изгледа како корен, но всушност е цветно растение кое потекнува од Југоисточна Азија.

Ова моќно растение помага во варењето, во борбата против настинка или грип бидејќи има антивоспалителни својства.

Секојдневното консумирање ѓумбир има многу придобивки за различни делови од телото благодарение на биоактивното соединение наречено gingerol. Ако сте купиле ѓумбир и не знаете како да го чувате, всушност е многу едноставно.

Како да чувате свеж ѓумбир?

За да го задржите ѓумбирот посвеж подолго време, задолжително ставете го во херметички контејнер за складирање храна или пластична вакуумска кеса, а потоа чувајте го во фрижидер. Ова ќе му помогне да остане свеж до еден месец, па дури и подолго. Ако видите зеленикаво-сини дамки од мувла, време е да го фрлите ѓумбирот.

Како да го чувате излупениот ѓумбир?

Откако ќе го излупите вашиот ѓумбир, ќе има пократок рок на траење бидејќи е изложен на кислород. Едноставно цврсто завиткајте го излупениот ѓумбир во пластична фолија, а потоа ставете го во фрижидер. Кога се чува на овој начин, излупениот ѓумбир треба да остане свеж до три недели, но внимавајте да не се расипе.

Дали ѓумбирот може да се замрзне?

Замрзнувањето на ѓумбирот е одлична опција за продолжување на неговата свежина, бидејќи целиот ѓумбир може да издржи и до пет месеци ако се замрзне. Само не заборавајте да го измиете и исушите коренот од ѓумбир пред да го замрзнете и да го чувате во пластична кеса безбедна за замрзнувач, пишува Real Simple.