Капушњак: Полска чорба од кисела зелка која го „лечи“ мамурлакот

Капушњак е популарна полска чорба направена од многу едноставни и достапни состојки. Во чорбата доминира кисела зелка, а се додаваат и компири исечкани на коцки и коренест зеленчук како моркови и пашканат.

Оригиналниот рецепт за капушњак не содржи храна од животинско потекло, но по желба можете да додадете малку свежо месо или сушени месни производи како сланина и колбаси.

Капушњак се подготвува во текот на целата година, но најчесто – во зима и по вечерта во која се испиле неколку премногу чаши. Имено, оваа чорба е полски лек за мамурлак.

Состојки:

500 гр компири
400 гр исцедена кисела зелка
2 ловорови листови
2 лажици сончогледово масло
1,5 l супа од зеленчук
1 голем кромид
1-2 чешниња лук
1 праз
1 морков
1 пашканат
1 лажичка пименто
1 лажичка мајоран
½ лажичка семки од ким
сол и бибер по желба

Подготовка:

Загрејте го сончогледовото масло во големо тенџере и пржете го сечканиот кромид околу две до три минути.
Додадете праз, моркови и пашканат исечени на коцки и продолжете да пржете сè заедно околу 8 до 10 минути додека зеленчукот не омекне.
Додадете го сечканиот лук, кимот, мајоранот, пиментото и ловоровиот лист и продолжете да готвите уште една до две минути, повремено мешајќи.
Во тенџерето ставете ја исцедената кисела зелка и сè заедно динстајте околу две минути.
Покријте го зеленчукот со малку супа од зеленчук и динстајте сè заедно околу 10 минути.
Ставете ги исечканите компири во тенџерето и покријте ги со остатокот од зеленчукот околу 25 минути или додека компирот целосно не се свари.
Додадете сол и бибер по вкус и послужете топло со парче леб. Добар апетит!