Од недостаток на протеини до интензивно стилизирање, може да има различни предизвикувачи за губење на косата. Според експертот д-р Амир Кан, одредени предупредувачки знаци може да укажуваат на абнормално опаѓање на косата.
– Имаме околу 100.000 влакна на главата и природно губиме помеѓу 50 и 100 влакна дневно. Постои природен повторен раст, така што не го забележуваме, но за некои луѓе губењето на косата може да биде навистина стресно. Симптомите и знаците на кои треба да се внимава вклучуваат, особено, феномени како што се повлекување на линијата на косата, проширен патец, чешање, воспален скалп. Сите овие работи можат да укажуваат на тоа дека губите повеќе коса од нормално – објаснува тој.
Постојат многу потенцијални причини за губење на косата, при што хормоните играат голема улога во овој процес. Иако е тешко да се влијае на некои фактори на ризик, други може да се променат.
Д-р Амир Кан истакнува дека, меѓу другото, многу е важно колку често ја миете косата.
– Има едноставни работи што сите можеме да ги правиме, размислете колку пати ја миете косата. Не треба да ја миете косата повеќе од два или три пати неделно. Миењето на косата и ги одзема природните масла кои ја штитат – изјавил тој.
Друг важен фактор кога станува збор за миење на косата е температурата на водата.
– Избегнувајте многу топла и многу ладна вода. И двете ја оштетуваат косата и можат да ја ослабат – тврди овој доктор.
Последно, но не и најмалку важно, негата на косата не треба да вклучува премногу уреди со топлина, како и груби хемикалии.
– Ограничете колку често ја сушите косата со фен, колку често ја исправате или употребувате многу остри хемикалии на вашата коса – заклучил д-р Кан.