Решението е едноставно, а посебно ќе ви бидат благодарни орхидеите: Трик кој ќе ги спаси билките од прекумерно полевање

Дали и вие спаѓате во таа група на луѓе кои жестоко сакаат нивната тераса и дом да бидат исполнети со најубави цвеќиња, но за жал сите растенија венеат?

Една од најчестите причини зошто тоа се случува е прекумерното полевање на растенијата, па ако ова ви се случува често и едноставно нема растение кое останува живо во вашиот стан, можеби е време да го испробате следниот „трик“.

Експертот сподели трик за да се уверите дека вашите растенија не се полеваат премногу, а растворот го имате во фрижидер или замрзнувач.

Како што пишува Mirror, коцките мраз би можеле да бидат одговорот, бидејќи како што се топат постепено го хранат и хидрираат растението, што е многу подобро за нив.

За да се борите против прекумерното наводнување, можете да ставите неколку коцки мраз во почвата на растението за да обезбедите хидратација додека постепено се топат – и тоа ќе и даде на почвата доволно време да апсорбира доволно вода за потребите на растението.

Ова може да го правите еднаш неделно, а покрај тоа што е многу полесно отколку да користите бокал или канта за наводнување, исто така нема да мора да се грижите за протекување вода или ризик од мувла.

– Промената на температурата од мразот активно го поттикнува цветањето – особено кај растенијата како орхидеите – истакнуваат експертите, а пренесува Мирор.

На орхидеите им е потребна промена на температурата помеѓу ноќта и денот за да цветаат правилно, така што користењето на мраз го прави ова ефективно.

Исто така, тоа е совршен начин за почетниците да ги наводнуваат своите растенија, така што тие не мора да се прашуваат колку вода да користат.