На CarMats.co.uk ги проучуваа најпознатите патни дестинации во светот и направија листа на најдобрите патувања по автопат (road trips) низ светот. За да го направат рангирањето, тие ја проверуваа просечната летна температура на секоја дестинација, годишните врнежи, часовите на сончева светлина, светлосното загадување и националните паркови. Земале предвид и колку дена ќе бидат потребни за да се извози целиот пат. Заклучиле дека најдобриот road trip во светот е австралискиот Савана Веј!
Се протега помеѓу Квинсленд и Западна Австралија, а овој живописен пат поминува низ неверојатни 15 национални паркови по патот! Дневниот трошок за изнајмување автомобил ќе ве чини 50 евра, а ќе уживате во просечна летна температура од 25,4 степени Целзиусови. Вкупната должина што ја поминувате е 3.700 километри, така што тука е потребно доста возење…
Втор на листата беше Grand Circle на југозападот на САД, кој на патниците им нуди поглед на долините, кањоните и десет национални паркови. Се очекува патувањето од 1.500 километри да трае помеѓу две и три недели. Се разбира, под услов да посетите сè на мира.
На третото место се најде веројатно најпознатото патување во светот – Route 66, кој се протега од Чикаго до Санта Моника во САД.
По „злато, сребро и бронза“, време е за други патувања, кои ги сочинуваат топ 10-те најдобри. Планините Атлас (Мароко), Sahara Loop (Мароко – Мавританија), крајбрежното патување (Мароко) Carretera Austral (Чиле) Возење по Дунав (Србија, Унгарија, Словачка и Австрија), автопатот Транс-Калахари (Ботсвана – Намибија) Transpantaneira (Бразил) – сето тоа се дестинации со кои е невозможно да се згреши.