Улицата Vale во Бристол е совршено место за натпревар во тркалање велигденски јајца поради нејзината стрмност, па соседите имаат шоу или барем добро вежбање секој ден.
„Еден од најголемите зафати беше преселувањето. Беше неопходно комбето да се дотурка на патот“, вели жител на улицата, која многумина ја сметаат за една од најстрмните улици во Европа, додавајќи дека животот таму е вистински предизвик – и за мускулите и за автомобилите во текот на зимата кога паѓа снег. Затоа е и на листата на најопасните улици во светот.
Во случај на снег, оние кои можат остануваат дома или се однесуваат како планинари. Држењето за оградите помага при качувањето. Некои се симнуваат на скии во зима, а и качувањето со автомобил го крева адреналинот.
„Откако го ставам во прва, притискам на гасот и се надевам дека никој нема да ме сретне на улица во тоа време, бидејќи штом ќе отидам, нема враќање назад“, вели Џули Вит, која живее таму 20 години и сè уште не се навикнала на стрмнината.
За да ги спречат да се лизгаат, жителите дури и ги врзуваат своите автомобили за улични светилки.
Од 2019 година, Ffordd Pen Llech ја носи официјалната титула за најстрмната улица во светот. Северен Велс го доби Гинисовиот рекорд откако жителите на Харлех протестираа дека нивната улица има наклон од 37,5 отсто, што е доволно за да се „пресече“ улицата што ја носеше титулата најстрмна во тоа време.
Така, ја наследи улицата Болдвин во новозеландскиот град Данедин, чиј наклон е „само“ 35 проценти.