Кинескиот сферичен радио телескоп (FAST) не само што е најголемиот во светот со дијаметар од 500 метри, туку е посебен и по тоа што има само една „чинија“. FAST е толку огромен што во него би можеле да се вклопат 30 фудбалски игралишта!
Исто така познат како небесно око, џиновскиот телескоп е сместен меѓу оддалечените врвови од варовник во југозападната провинција Гуижоу. Бидејќи е исклучително чувствителен во нискофреквентниот опсег на радио, неговата мисија е да бара вонземски цивилизации, како и да бара сигнали меѓу небесните тела оддалечени милијарди светлосни години.
Навидум цврстиот сад всушност е составен од 4.450 триаголни алуминиумски плочи кои можат да се поместат за да се фокусираат на различни локации во вселената. Радио телескопот ја извршува својата функција од 2016 година, а иако досега снимал различни сигнали од вселената, можете да бидете мирни – се уште нема докази за вонземјани. Изработката на ваков уред за кинеската и светската астрономија е голема работа, но како што пишуваат медиумите е поставена за несреќа на локалното население кое се пожалило дека останале без земја и куќи поради FAST.
Државната новинска агенција Ксинхуа известува поинаку и наведува дека 9.110 локални жители биле преместени со цел да се создаде мирна зона околу радио телескопот и дека за тоа добиле вредна компензација.
Градот Кеду, кој се наоѓа на околу пет километри од џиновскиот телескоп, во меѓувреме е наречен „астрономски град“. Новата Мека за туристи во планинскиот Пингтанг стана побогата со бројни хотели и ресторани. За време на викендите, градот Кеду прима до 2.000 посетители кои сакаат да му се восхитуваат на најголемиот радио телескоп во светот
„Благодарение на локалните геолошки чуда и народни обичаи, Кеду нуди бројни туристички рути кои можат да ја разбудат љубопитноста на посетителите, да им помогнат да го истражат универзумот и да им овозможат да ги видат карстните форми на Гуижоу и да ја искусат локалната култура“, рече туристичкиот водич Ванг за Глобал тајмс.