Нов хит на хоризонтот: Сите зборуваат за оваа нова романтична комедија на Нетфликс

Успехот на Грета Гервиг, режисерката на филмскиот хит „Барби“, им ја отвори вратата на женските авторки или подобро кажано, им го олесни патот на режисерките до платформите за стриминг подготвени да инвестираат во нивните вештини. Дека нешто се менува на подобро е прикажанo со примерот на британската режисерка Ванеса Касвил и нејзиниот филм „Љубов на прв поглед“.

Романтична комедија за пар кој случајно се среќава на лет од Њујорк до Лондон, а потоа се разделува на царина и, како што обично се случува во овој жанр, повторно се среќаваат на крајот на филмот, ги разнежни гледачите на Нетфликс. Социјалните мрежи беа преполни со пофалби за филмот, кој има висока оценка од 81% на Rotten Tomatoes, а критичарите на социјалната мрежа X (поранешен Твитер) го прогласија за еден од најдобрите филмови на Нетфликс досега.

Сценариото е базирано на романот „The Statistical Probability of Love at First Sight“ на американската писателка Џенифер Елизабет Смит од 2011 година, а главните улоги ги толкуваат актери во подем: 32-годишниот Британец Бен Харди (тој се проби во серијата „EastEnders“) и поранешната ѕвезда на Дизни, 28-годишната американска актерка Хејли Лу Ричардсон. Романтичните перипетии на заљубениот пар, кој судбината ќе ги здружи во авион и речиси засекогаш ќе ги раздели, ги освоија дури и гледачите кои всушност не се љубители на жанрот ром-ком.

На повидок е нов филмски хит, волшебна приказна за тоа каква љубов би сакале да доживееме… Се додека не се случи „тој“ момент, нема друг избор освен да подготвиме пуканки и да ја гледаме уметноста на британската режисерка за која ќе се слуша уште многу.