Малиот град на западот на Франција не ја должи својата популарност на плодните лозја, замоците или вековните знаменитости. Многу луѓе првпат го пронајдоа на мапа дури откако на прометната раскрсница на Бауне се појавија необични бели линии, чии фотографии набрзо станаа вирални. Заоблените линии кои се преклопуваат намерно ги збунуваат возачите за да ги забават.
Градот Бауне, во близина на Анже, е дом на нешто помалку од две илјади луѓе, но сообраќајот е густ како во голем град. Причината за тоа е неговата положба на раскрсницата помеѓу два патишта: D74 и D82.
Просечно околу 2.300 автомобили поминуваат низ Бауне дневно, и иако градската раскрсница е јасно означена со знаци кои ја ограничуваат брзината на 30 km/h, возачите го притискаат гасот до брзина поголема од 100 km/h. Со цел да ги натераат возачите да ја намалат брзината, локалните власти се одлучиле на необичен потег.
View this post on Instagram
Фотографии од „пијани“ линии на прометна раскрсница станаа хит на француските социјални мрежи. И додека некои Французи мислат дека се навистина убави, други се прашуваат зошто локалните власти не користеле потрадиционални средства за да ја намалат брзината на возилата, како кружни текови, лежечки полицајци или семафори. Но, податоците покажуваат значително намалување на брзината на возачите. Дел од локалната заедница верува дека резултатот е само привремен и дека штом возачите ја разберат играта, ќе се вратат на брзо возење, а дали се во право ќе видиме…