Пилешко во кремаст сос потпечено во рерна: Јадење кое е обожавано низ целиот свет

Состојки:

1 кг пилешко месо (батак, пилешки гради)
1 лажица сув зеленчук и зачини по желба
7 лажици масло
6 јајца
150 гр остро брашно
½ лажичка сол
600 мл млеко

Подготовка:

Одделете го пилешкото месо од коските, исечете го на помали парчиња и посипете со зачини. На 3 лажици загреано масло пропржете го подготвеното месо десетина минути од сите страни. Изматете ги јајцата со брашно, сол, млеко и оставете да отстојат 10-15 минути. Во огноотпорен сад или тава ставете го преостанатото масло и загрејте го. На загреаното масло истурете третина од подготвената смеса со јајца и брашно. Потоа распоредете го печеното месо, па покријте го со остатокот од смесата со јајца, брашно и млеко. Се пече во рерна загреана на 210°C 20-30 минути. Подготвеното јадење изладете го малку, исечете го и послужете го со салата.