Габите на ноктите, особено на ноктите на нозете, се многу чест здравствен и естетски проблем и кај мажите и кај жените. Бела или жолта дамка на врвот на ноктот обично е првата фаза на инфекција на ноктите.
Овие точки со текот на времето можат да ја променат формата и бојата, а површината на ноктот станува нерамна, почнува да се лупи и сето тоа може да биде многу непријатно.
Најчеста причина за овој проблем е влажната средина, влажните стапала, носењето синтетички чорапи и чевли кои ја спречуваат кожата да дише.
Ако оваа инфекција не се лекува, деформираниот нокт може да предизвика болка во прстот, па дури и да го направи одењето болно.
Габата може да се прошири на кожата меѓу прстите, а во некои случаи, ноктот и да падне.
Ако забележите само дамки на ноктната плоча, користете некој од овие природни лекови или консултирајте се со лекар.
Ако проблемот не напреднал премногу, можете да пробате некои природни лекови за лекување на габички на ноктите:
Јаболков оцет
Измешајте еднакви количини јаболков оцет и вода и држете го заразениот нокт во овој раствор.
Лимонов сок
Лимонската киселина, со своите антисептички својства, ќе помогне да се запре ширењето на инфекцијата. Нанесете свеж сок од лимон на погодената област, оставете да делува половина час и исплакнете со топла вода. Повторете неколку пати на ден. Сокот од лимон во истиот сооднос можете да го измешате со маслиново масло и да ги масирате стапалата.
Сода бикарбона
Направете паста од сода бикарбона измешана со вода и ставете ја на ноктот.
Масло од оригано
Измешајте две капки масло од оригано со една лажица маслиново масло. Овој раствор се нанесува на ноктите и се чува околу 15 минути. Повторете го овој третман навечер и наутро.