Британското кралско семејство минува низ предизвикувачки период. Откако принцот Хари ја напушти монархијата, многу работи се променија, а неговиот документарец и книга предизвикаа бурни реакции. Семејството се соочува со голем пад на популарноста, а експертите велат дека ќе мора да дадат се од себе за да ја преживеат оваа бура. Поради се што преживуваат, многу ги израдува веста за засилувањето кое доаѓа во семејството.
Принцезата Јуџин, помладата ќерка на принцот Ендру и Сара Фергусон, и нејзиниот сопруг Џек Бруксбанк го очекуваат своето второ дете, објави Бакингемската палата.
Јуџин и Џек се венчаа во 2018 година, а три години подоцна го добија синот Август Филип Хук. Јуџин е многу блиска со сопругата на принцот Хари, Меган Маркл, а биле соседи додека „побегнатата двојка“ живеела во Лондон.
