ПРОБАЈТЕ ГИ НАЈВКУСНИТЕ ДОМАШНИ ТОРТИЉИ По овој рецепт никогаш повеќе нема да купувате готови
15 јуни, 20230
Домашните тортиљи лесно се прават, со само неколку состојки.
Ви предлагаме да направите тортиљи со три состојки. Се прават едноставно, брзо и лесно.
Може да се наполнат со солени и слатки филови. Одлични се за појадок и исто толку добри за вечера.
Состојки:
2 чаши брашно
1 чаша топла вода
6 супени лажици путер
сол по вкус
Подготовка:
Измешајте го брашното со претходно омекнатиот путер. Додадете ги солта, водата и замесете. Тестото е готово кога ќе се изедначи.
Оставете го вака измешаното тесто, покриено, околу 10 минути. Потоа со раце формирајте топчиња, па со сукало развлечете ги во круг.
Пржете ги во загреана и подмачкана тава неколку минути од двете страни.