Роберт де Ниро со партнерката на првото заедничко појавување по раѓањето на нивната ќерка: Сите се прашуваа која е славната инструкторка по боречки вештини (ФОТО)

Роберт де Ниро и Тифани Чен присуствуваа на нивниот прв јавен настан заедно по раѓањето на нивната ќерка Гиа.

На Роберт де Ниро викендов му се придружи неговата партнерка Тифани Чен на Канскиот филмски фестивал за да ја прослави премиерата на неговиот најнов филм, „Killers of the Flower Moon“.

Роберт за оваа пригода носеше традиционален костум, додека Тифани одлучи да облече светкав фустан, а цело време заедно позираа пред фотографите на црвениот тепих.

Тифани е инструкторка по боречки вештини, а Де Ниро ја запознал додека работел на филмот „The Intern“, кој излезе во 2015 година.

Актерот веста за раѓањето на својата ќерка ја објави неодамна и сосема неочекувано, за време на едно интервју. Репортерот спомна шест деца, но Роберт веднаш го поправи и рече дека всушност се седум.

– „Всушност седум. Само што добив бебе“.